Hii hapa Taarifa ya uchunguzi wa kifo cha Faru John aliyoipokea Waziri Mkuu

Kama unakumbuka December 10 2016 Waziri Mkuu, Kassim Majaliwa  aliunda tume baada ya kupokea pembe mbili za faru John na taarifa yenye nyaraka zilizotumika kumhamisha faru huyo. Hatua hiyo ilifuatia agizo alolitoa December 6, 2016, akiwa ziarani mkoani Arusha, ambapo alitoa siku mbili na kuutaka uongozi wa Mamlaka ya Hifadhi ya Ngorongoro (NCAA), umletee nyaraka zote zilizotumika kumhamisha faru John kutoka kwenye hifadhi hiyo.

March 27 2017 Waziri Mkuu Kassim Majaliwa amepokea

Ripoti ya Makonda kuivamia Clouds yakabidhiwa kwa Waziri Nape Nnauye

Ni siku kadhaa zimepita tangu tukio la Mkuu wa Mkoa wa Dar es Salaam, Paul Makonda kuvamia Clouds Media akiwa na askari wenye silaha ambapo ilifuatiwa na Waziri mwenye dhamana ya Habari, Nape Moses Nnauye kutembelea Clouds na kuunda Kamati ambayo ingechunguza ishu hiyo. Sasa leo March 22 2017 Kamati hiyo imetoa matokeo ya uchunguzi huo.

Kamati imesema;

CCM 'Yamtolea Nje' Mjane wa Kapteni Komba kuhusu Mafao ya Mumewe

Chama Cha Mapinduzi (CCM) kimemtaka Mjane wa Marehemu, Kapteni Komba, Bi. Salome Komba kufuatilia malipo ya mafao ya mumewe kwa uongozi wa kundi la Tanzania One Theatre (TOT) ambako ndiko alikokuwa akifanyia kazi.

Naibu Katibu Mkuu wa CCM (Bara), Rodrick Mpogolo, ametoa maelekezo hayo ikiwa ni siku moja tu baada ya Salome kukaririwa  akimuomba Mwenyekiti wa CCM, Rais John Magufuli aingilie kati kumsaidia ili alipwe mafao ya marehemu mume wake yanayofikia

CCM Yamweka Kiporo Yusuf Manji

Chama Cha Mapinduzi (CCM) Wilaya ya Temeke, kimesema hakitamjadili Diwani wa Kata ya Mbagala Kuu, Yusuph Manji, hadi kesi yake kuhusu madai ya kutumia dawa za kulevya itakapomalizika mahakamani.

Msimamo huo umetolewa baada ya kuwapo  taarifa kwamba

Tundu Lissu: Serikali Ina Hofu Na Mimi TLS

Mwanasheria Mkuu wa Chama cha Demokrasia na Maendeleo(CHADEMA), Tundu Lissu, amesema ameanza kuogopwa na viongozi wa serikali  baada ya jina lake kuwa miongoni mwa majina matano bora ya wagombea wa nafasi ya urais katika Chama cha Wanasheria Tanganyika (TLS) kutokana na misimamo yake ya kuitetea Katiba ya Tanzania.

Akizumgumza na waandishi wa habari  Mwanza jana, Lissu alisema  tangu atangaze nia yake ya kugombea urais wa TLS ameanza kuogopwa  kutokana  na kujulikana kwa   misimamo yake kuhusu  masuala ya   sheria,  siasa na  katiba ya nchi hii.

Alisema TLS ina majukumu makubwa katika nchi ya kulinda utawala wa sheria na wanasheria ndiyo wanaojua kuliko mtu yeyote  zinapotungwa sheria mbovu na zile za kikandamizaji, pia wao ndiyo wanapaswa kuwa wa kwanza kuanza kuzipigia kelele sheria hizo.

“Kwa miaka mingi  TLS imeongozwa  na watu ambao hawafikiri kwamba wajibu wao wa kwanza kulinda utawala wa sheria,  wao wanafikiri wajibu wao wa kwanza ni kuwapendeza  wanasiasa na matokeo yake TLS imepotea, wanachoogopa  ni kwamba hii raha ambayo wameipata miaka yote hii wakati  wanasheria wa  TLS wakiwa  usingizini akija huyu Lissu itaisha,” alisema Lissu.

Alisema aligombea nafasi hiyo  baada ya kumsikia Rais Dk. John Magufuli akizungumza mbele  ya watanzania kwamba wakili  yeyote  atakayewatetea  watuhumiwa wanaokutwa na  dawa ya kulevya au nyara za serikali wakamatwe na kuwekwa ndani.

Alisema aliposikia kauli hiyo alicheka na kusema sasa ni wakati wa yeye kuwa rais wa TLS ili kauli za aina hiyo zikome na siku mbili kabla ya Rais Dk. John Magufuli kutoa kauli hiyo,  Bunge lilipitisha sheria ya msaada wa sheria.

“Sheria hiyo inasema mtu yeyote anayefunguliwa kesi ya jinai, au madai kama ni maskini hana uwezo wa kumlipa wakili atapatiwa huduma hiyo na wakili atalipwa  na  mtendaji mkuu wa mahakama.

“Sheria hiyo inampatia haki  mwananchi yeyote atakayekuwa  na kesi ya mauaji, pembe za ndovu au dawa za kulevya  kupata wakili atakayelipwa na serikali.

“Siku mbili baadaye Rais anakinzana na sheria hiyo nilishangaa kweli.  Tayari sheria hiyo imetungwa  ni jambo muhimu kweli kwa sababu katika  nchi hii watu wanasingiziwa sana, kwenye maegereza nyingi   nchini wamejazana wananchi ambao hawana hatia na wapo huko kwa sababu hawakuwa na mawakili wa kuwatetea,” alisema Lissu.

Lissu alisema  endapo atachaguliwa kuwa rais wa TLS atahakikisha sheria ya msaada wa  sheria  inatekelezwa.

Kuhusu hoja ya  Waziri wa katiba na  Sheria, Dk. Harrison Mwakyembe ya kutishia kukifuta chama hicho kwa kuwa kimeanza kujiingiza katika masuala ya siasa, Lissu alisema wanaoleta hoja za kutaka kukifuta chama hicho kama ni wanasheria ujuzi wao wa sheria ni wa shaka lakini kama ni wasiojua sheria wanasamehewa.

Alisema  sheria ya iliyoanzisha TLS inasema mwanachama yeyote aliyekidhi vigezo  vya chama hicho ana haki ya kuwa mgombea wa nafasi yoyote ya uongozi na haijasema  ukiwa mwanachama wa chama chochote cha siasa unapungukiwa sifa  ya kugombea.

“Watu wanazungumza   kana kwamba ni makosa mwanasheria kuwa mwanasiasa, katika nchi hii katiba imeruhusu  siasa za vyama vingi, kuwa wanachamaau  kiongozi wa chama.

“Kuwa tu mwanachama una kuwa na fursa ya kugombea nafasi mbalimbali za uongozi serikalini lakini sasa watu wanataka kuaminishwa kuwa ukiwa mwanasiasa huna haki,” alisema

Zitto Kabwe Ataka Bunge Livunjwe

Mbunge wa Kigoma Mjini Zitto Kabwe amemshauri Rais wa Tanzania Dkt. John Magufuli kulivunja Bunge la Jamhuri ya Muungano wa Tanzania endapo analiona ni kikwazo kwake.

Ushauri huo ameutoa jana ikiwa ni saa chache baada ya Rais Magufuli kukosoa uamuzi wa Bunge kumuita Mkuu wa Mkoa wa Dar es Salaam Paul Makonda kujieleza mbele ya Kamati ya Bunge, kutokana na kilichodaiwa na wabunge kuwa ni kauli

Waziri Nape akerwa na Taarifa zilizosambazwa kwenye Mitandao ya Kijamii kutaka kumgombanisha na baadhi ya Viongozi Wenzake

February 13 2017 Waziri wa Habari, Utamaduni, Sanaa na Michezo Nape Nnauye alionyesha kutofurahishwa na baadhi ya taarifa zilizosambazwa kwenye baadhi ya mitandao ya kijamii zinazodaiwa kutaka kumgombanisha yeye na baadhi ya viongozi wenzake wa serikali.

Anaswa na mzigo wa dawa za kulevya chumbani..... RPC asimulia Sakata Zima

Mtu mmoja anashikiliwa na Jeshi la Polisi  kwa kosa la kupatikana na madawa ya kulevya yanayodhaniwa kuwa heroine kiasi cha pinchi 240 na ndonga mbili Mkoani

Freeman Mbowe Agoma Kuitikia Wito wa Makonda......Asema Lazima Amshitaki Kwa Kumchafulia Jina

Mbunge wa Hai na Mwenyekiti wa Chama cha Demokrasia na Maendeleo (CHADEMA), Freeman Aikaeli Mbowe amesema kuwa Mkuu wa Mkoa wa Dar es Salaam, Paul Makonda hana mamlaka ya kumuita kwenda Kituo cha Polisi.

Jeshi la Polisi Dar Lamjibu Mbowe......Lasema Kama Hataripoti Polisi, Basi Litamfuata Popote Alipo.

Jeshi la Polisi Kanda Maalumu ya Dar es Salaam limesema kama Mwenyekiti wa Chadema, Freeman Mbowe hataripoti bila kutoa taarifa yoyote ya udhuru atafuatwa kwa kuwa jeshi hilo linahitaji  kumhoji.

Yusuph Manji na Askofu Gwajima Kuendelea Kusota Selo.....Kamanda Sirro Asema Upelelezi Bado Unaendelea

Kamanda Sirro amesema  bado wanamshikilia mwenyekiti wa Yanga, Yusuph Manji pamoja Askofu wa kanisa la Ufufuo na Uzima, Josephat Gwajima kwa tuhuma za kujihusisha na biashara ya dawa za kulevya na upelelezi dhidi yao bado haujakamilika.

Watuhumiwa hao wawili waliripoti kituoni hapo jana mchana na siyo leo kama walivyoagizwa na RC Paul Makonda.

Kamanda Sirro amesema atatoa taarifa Jumatatu kueleza nini kinaendelea kuhusu watuhumiwa hao.

Mpaka wakati anazungumza na waandishi wa habari kamanda huyo alisema walioripoti kituoni hapo ni watuhumiwa 4 kati ya 65 .

Walioshuhudiwa na waandishi wa habari wakiripoti kituoni hapo ni Iddi Azzan, Hussein Pamba Kali pamoja na bosi wa Sea Cliff.

Mbowe na Naibu Spika Dr Tulia Ndani ya BIFU Jipya

Mvutano  umeibuka bungeni kati ya Kiongozi wa Kambi Rasmi ya Upinzani, Freeman Mbowe na Naibu Spika, Dk Tulia Ackson baada ya Mbunge huyo wa Hai kumwuliza Waziri Mkuu, Kassim Majaliwa swali lililopingwa na Naibu Spika kwa maelezo kuwa ni la kisheria si la kisera.

Sakata hilo liliibuka asubuhi katika kipindi cha maswali kwa Waziri Mkuu, baada ya Mbowe kuhoji sababu za Mbunge wa Arusha Mjini, Godbless Lema kusota rumande kwa kukosa dhamana, Peter Lijualikali wa Kilombero anayetumikia kifungo cha miezi sita gerezani na wanachama wengine wa Chadema wanaokabiliwa na mashitaka mbalimbali.

Mbowe alimtaka kiongozi huyo wa shughuli za Serikali bungeni, aeleze kama ni sera ya Serikali kuua vyama vya upinzani, huku akisema Rais John Magufuli alipata kutamka kuwa atavimaliza vyama vya upinzani kabla ya mwaka 2020.

Kwa maswali hayo, Dk Tulia alimtaka Waziri Mkuu kujibu swali linalohusu sera na kuachana na yanayogusa masuala ya kisheria.

Jambo hilo liliwafanya wabunge wa Upinzani huku wakipiga meza kwa takribani dakika tano kupinga, wakimtaka Naibu Spika aache Waziri Mkuu ajibu swali hilo.

Katika swali lake la msingi, Mbowe alisema wakati jana ikiwa ni Siku ya Haki Duniani, imepita miezi mitatu tangu Lema aanze kusota rumande huku akinyimwa dhamana licha ya kuwa iko wazi.

Pia alisema Lijualikali anatumikia kifungo cha miezi sita jela kwa kosa la kisiasa sambamba na mwenyekiti wa chama hicho wa mkoa wa Lindi, Suleiman Mathew aliyefungwa miezi minane na madiwani zaidi ya sita na viongozi wengine 215 nao wakifungwa au kuendelea na mashitaka huku zikifanyika hila za kuidhoofisha CUF.

“Haya yanayoendelea katika Serikali ambayo ni kinyume na utamaduni na mazoea yetu kama Taifa, je ni utekelezaji wa sera ya kuua upinzani chini ya Rais Magufuli?” Alihoji Mbowe.

Kabla ya Waziri Mkuu kujibu swali hilo, Dk Tulia aliingilia kati na hali kuwa hivi:

Dk Tulia: Katika swali lako kuna masuala ya kisera na kisheria. Maswali yanayomhusu Lema na Lijualikali na madiwani sita ni ya kisheria, hayo kuhusu leo (jana) kuwa siku ya haki duniani, Waziri Mkuu anaweza kuyajibu.

Majaliwa: Nakanusha, Rais hajawahi kutangaza kuvifuta vyama vya upinzani, nchi inaongozwa kwa sheria, kanuni na taratibu na kuna Bunge, Serikali na Mahakama. Hakuna mhimili unaoingilia mhimili mwingine. Jambo lililopo mahakamani halizungumzwi kokote, siwezi kuzungumzia hilo.

Mbowe: Kwa kuwa Rais anaonekana kuvunja Katiba ikiwa ni pamoja na kupiga marufuku mikutano ya vyama vya siasa, je tukileta ushahidi kuwa Rais amekusudia kuumaliza upinzani kabla ya 2020, Waziri Mkuu utakuwa tayari kuwajibika kwa kujiuzulu?

Dk Tulia: Mbowe swali lako la maelezo ya jumla, yako sawasawa ila la kumtaka Waziri Mkuu kuwajibika si la kisera, kuwajibika si sera uliza swali la kisera.

Mbowe: Labda swali langu nilielekeze kwa Naibu Spika (Dk Tulia). Swali langu lilikuwa la mwendelezo ambalo hutokana na majibu ya msingi yaliyotokea. Kama kulikuwa na msingi wa kisera kwenye swali la msingi, swali la mwendelezo linakwenda kutokana na majibu yaliyotolewa. Waziri Mkuu aseme tu kama yupo tayari kujiuzulu tukileta ushahidi.

Katika maelezo yake, Dk Tulia alitaka Mbowe ajikite katika swali la kisera jambo ambalo Mwenyekiti huyo wa Chadema alipinga na kusisitiza kuwa huenda mambo yanayofanyiwa wapinzani, wabunge, mawaziri Serikali inayafurahia.

Rais Magufuli kateua Mkuu mpya wa Majeshi Tanzania anaechukua nafasi ya Mwamunyange

Rais wa jamhuri ya muungano wa Tanzania Dr. John Pombe Magufuli amefanya uteuzi wa Mkuu mpya wa majeshi ya ulinzi na usalama Tanzania kama inavyosomeka kwenye hii taarifa hapa chini.

Aliyeteuliwa kuchukua nafasi ya Davis Mwamunyange ni Venance S. Mabeyo ambapo pamoja na kuteuliwa kuwa mkuu wa majeshi ya ulinzi Tanzania Mabeyo amepandishwa cheo na kuwa Jenerali.

Jenerali Venance anachukua nafasi ya Jenerali Davis Mwamunyange ambaye amestaafu ambapo kitu kingine cha kufahamu ni kwamba Rais Magufuli amemteua Meja Jenerali James M. Mwakibolwa kuwa Mnadhimu mkuu wa majeshi ya ulinzi Tanzania.

Pamoja na kuteuliwa kuwa Mnadhimu mkuu wa Majeshi ya ulinzi Tanzania, Meja Jenerali James Mwakibolwa amepandishwa cheo na kuwa Luteni Jenerali ambapo anachukua nafasi iliyoachwa wazi na Jenerali Venance aliyeteuliwa kuwa mkuu wa majeshi.
Uteuzi huu unaanza mara moja ambapo tarehe ya kuapishwa itatangazwa baadae.

Mwanamke Atoa Tangazo Gazetini Baada ya Kugundua Mumewe Anachepuka

Mtandao wa TUKO umeripoti kuhusu huyu Mwanamke aliyewaaacha wengi na mshangao baada ya kutumia njia isiyo ya kawaida kumzuia mumewe kuchepuka na kuchukua Mwanamke mwingine.

Mwanamke huyo Mkenya aliyetambulika kwa jina la Wanjiru Kamami ama Shiro alichapisha tangazo kwenye gazeti moja la Kenya akitaka kujuzwa habari na yeyote atakayemwona mumewe akiwa na ‘mpango wa kando’ au Mchepuko.

Katika kitendo cha Mwanamke huyo kuonyesha kwamba yuko serious akaamua kuandika na jina la mume wake pamoja na namba ya simu kwenye hilo tangazo lililosomeka "Hii ni kuwajulisha kwamba huyu aliye kwenye picha ni Mume wa Wanjiru Kamami toka mwaka 1982

"Ukimuona anadanganya Wasichana wa shule, Wanawake wengine au kina mama wa sokoni, mwambie aende nyumbani kwa mke wake au piga simu au sms kwenye 0751 993 571"

Hatua Zilizochukuliwa Na Serikali Dhidi Ya Gazeti La MwanaHalisi Baada Ya Kumuomba Radhi Rais

Haya hapa Matokeo ya Kidato cha Nne na mtihani wa Maarifa 'QT' 2016

Leo January 31 2017 Baraza la mitihani Tanzania ‘NECTA’ limetangaza matokeo ya kidato cha nne ‘CSEE 2016’ na matokeo ya mtihani wa maarifa (QT) 2016

Kwa urahisi unaweza kuyaona matokeo ya kidato cha nne kwenye link hii hapa iliyoandikwa ‘CSEE 2016’ >>>CSEE 2016

Unaweza pia kuyatazama matokeo ya mtihani wa maarifa (QT) 2016  >>>(QT) 2016

Gazeti lapewa saa 24 kumuomba radhi Rais Magufuli

Onyo limetoka kwenye Idara ya habari maelezo kupitia kwa Mkurugenzi wake Dr. Hassan Abbasi ambapo gazeti lililoandika kichwa cha habari ‘UFISADI NDANI YA OFISI YA JPM‘ limepewa saa 24 kuomba radhi.

Taarifa ya Idara hiyo imesema ‘licha ya habari hiyo kujenga dhana kuwa Rais John Pombe Magufuli anahusika na kinachoitwa ufisadi, msingi wa taarifa husika ni tatizo la manunuzi shirika la elimu Kibaha.

Kwa kuwa ni jambo lililodhahiri kuwa shirika la elimu Kibaha sio ofisi, Idara wala kitengo ndani ya Ofisi ya Rais, Mwandishi na Mhariri wa habari husika wamedhihirisha malengo ya kumchafua Rais binafsi kwa jamii.

Serikali inawaagiza Wahariri wa gazeti hilo kujitathmini na kuchukua hatua kwa kutumia kifungu cha 410 cha sheria ya huduma za habari 2016 kinachowapa fursa ya kuomba radhi, kwa kumuomba radhi Rais ndani ya saa 24 kuanzia saa kumi jioni ya January 30 2017.

Iwapo wahusika wataona muhali kufanya hivyo, Serikali itachukua hatua kali kwa mujibu wa sheria na masharti ya usajili wa gazeti husika, Tunaendelea kuwashukuru Wanahabari wanaofuata madili ya taaluma. – Dr. Hassan Abbasi.

Ugomvi wa DC, Mbunge wa CCM wamfikia Waziri Mkuu

Dodoma; Mgogoro baina ya Mbunge wa Chemba (CCM), Juma Nkamia na mkuu wa wilaya hiyo, Saimon Odunga umechukua sura mpya, safari hii ukiibuka katika kikao cha Kamati ya Ushauri ya Mkoa wa Dodoma (RCC) ambayo imeamua ufikishwe kwa Waziri Mkuu. Kikao hicho ambacho kilifunguliwa na Waziri Mkuu, Kassim Majaliwa na kuongozwa na Mkuu wa Mkoa wa Dodoma, Jordan Rugimbana kilifanyika katika ukumbi wa Chuo cha Mipango. Baada ya Odunga kupewa nafasi ya kuchangia ajenda mara baada ya Majaliwa kuondoka, aliomba ushirikiano kutoka kwa wabunge ilikutekeleza shughuli za maendeleo. 

“Ninaomba waheshimiwa wabunge watusaidie kulisemea hili kwa sababu hali ni mbaya katika sekta nyingi,” alisema. Akizungumza katika kikao hicho, Nkamia, ambaye aliwahi kuwa naibu waziri, alianza kwa kumuomba Rugimbana kusaidia katika sekta ya ardhi akisema ina matatizo mengi na kutoa mfano wa Wilaya ya Chemba. Alisema katika wilaya hiyo kuna tapeli wa ardhi ambaye amesaidiwa na viongozi kupata ardhi yenye ukubwa wa ekari 500 kinyume na sheria. Alihoji sababu za mkuu huyo wa wilaya kutaka wabunge washiriki katika kusukuma hoja mbalimbali za maendeleo, wakati anadharau wabunge, mwenyekiti wa halmashauri na viongozi wengine wa chama wilayani humo. “Huyu ni mkuu wa wilaya ambaye anaongoza kwa rekodi ya kuwakamata watu kwa kutumia madaraka yake. Nimesikia jana (juzi) kuwa na mimi nawindwa ili nikamatwe. Niko tayari kukamatwa,” alisema Nkamia, ambaye anaongoza Jimbo la Chemba kwa kipindi cha pili mfululizo. 

“Nakuomba mkuu wa mkoa umuite huyu dogo (DC) umkanye kuhusu hii tabia yake ya kudhalilisha watu. Kwa kuwa bwana mkubwa (DC) hapo ameanzisha vita na sisi tunaomsaidia kazi. Sisi tuna busara zetu, hatuwezi kuingia vitani,” alisema. Nkamia alimuomba Rugimbana kuwaita wote wawili-Odunga na yeye-wakae pamoja na kutafutia suluhu ya jambo hilo ambalo alisema linaweza kukwamisha maendeleo ya jimbo hilo. Alimuonya mkuu huyo wa wilaya kuhusu tabia ya kuwatia mbaroni wananchi wanaouliza maswali wakati ni haki yao kufanya hivyo. “Chemba tulikuwa tunaishi kwa amani sana lakini amekuja bwana huyu mdogo (Odunga) anataka kutuchafulia sifa sisi. Ameteuliwa na Rais amefanyiwa vetting (uhakiki) nzuri tu. Mambo ya kuwaita watu wapumbavu no (hapana),” alisema Nkamia.

Faru Fausta wa Ngorongoro atimiza Miaka 54, Aishi Chini ya Ulinzi wa Kijeshi Saa 24

FARU Fausta ndio anayesadikiwa kuwa na umri mkubwa kuliko Faru wote duniani,mwaka huu amefikisha umri wa miaka 54. 

Faru Fausta yupo katika mamlaka ya hifadhi ya Ngorongoro,lakini kutokana na uzee wake huo,sasa anakabiliwa na tatizo la macho la kutoona. Kufuatia hatua hiyo,uongozi wa Ngorongoro sasa umemuweka katika makazi maalum ndani ya hifadhi hiyo. Hatua ya mamlaka kuchukua hatua ya kumpa ulinzi maalum Faru Fausta inahofia kushambuliwa na wanyama wengine wakali na hususani fisi na Simba. 

Hivi sasa gharama inayotumika kumlinda Faru Fausta ni kubwa,hivyo uongozi wa Mamlaka umeishauri wizara kuchukua hatua juu ya Faru Fausta.

Haya hapa Mambo matano kwenye Taarifa ya kwanza ya TRL kuhusu Treni iliyoanguka Ruvu

Jana January 29 2017 imetokea ajali ya Treni kwenye eneo la Ruvu ndani ya mkoa wa Pwani Tanzania ambapo Treni yenyewe inaitwa EXPRESS na ilikua ikitokea Kigoma kuelekea Dar es salaam.

Viongozi mbalimbali walielekea kwenye eneo la tukio ambapo Mkurugenzi mtendaji wa kampuni ya Reli Tanzania (TRL) Masanja Kadogosa kwenye eneo la tukio ameeleza yafuatayo.

• Kwenye ajali iliyotokea kuna Mabehewa ambayo yametoka nje ya reli na kuanguka lakini bahati nzuri kichwa cha Treni hakikuanguka na ndio maana unaweza kuona abiria hawapo.
• Abiria walihamishiwa kwenye Mabehewa ambayo hayakuanguka na wakaondoka na Treni hiyohiyo kuelekea Dar es salaam na nadhani wamefika kwenye mida ya saa mbili usiku, hapa kwenye eneo la tukio kuna Mabehewa ambayo yalitoka nje ya reli tu.
• Hapa ni Kilometa 73 kutoka Dar es salaam na ni maeneo ya Ngeta Ruvu na ajali hii ilitokea kwenye saa kumi kasoro jioni, kuhusu chanzo cha ajali…. kawaida tunafanya uchunguzi na tutawapa taarifa utakapokamilika na tuna Wataalamu ndani ya kampuni ya TRL watafanya kazi yao kwenye uchunguzi.
• Njia ya Treni imeharibika sana hapa na kuna Treni nyingine ya abiria itasafiri kutoka Dar es salaam kwenda bara kwahiyo usiku huu tutachokifanya ndani ya saa 24 tunataka tuwe tumesharudisha hii njia ili abiria na Treni nyingine za mizigo ziweze kupita na tunategemea mpaka saa tisa alasiri siku ya Jumatatu January 30 2017 Treni zipite kama kawaida.
• Katika ajali hii tumepata Majeruhi watano na aliyeumia sana ni mmoja na alipelekwa Tumbi Hospitali iliyopo Kibaha Pwani.

Mwanafunzi Chuo cha Ardhi Dar kizimbani kwa Kuchapisha ujumbe wa Uongo Kuhusu Godbless Lema

Mwanafunzi  wa Chuo Kikuu cha Ardhi Dar es Salaam (ARU) amefikishwa katika  Mahakama ya Hakimu Mkazi Kisutu na kupandishwa kizimbani akikabiliwa na kosa la kuchapisha taarifa za uongo kwenye mtandao wa What’sApp.

Akimsomea hati ya mashtaka, mshtakiwa huyo, Wakili wa Serikali, Adolf Mkini mbele ya Hakimu Mkazi Mkuu, Godfrey Mwambapa alidai kuwa mshtakiwa huyo  ambaye pia anadaiwa kuwa ni kada wa Chadema Januari 3, 2017

alichapisha taarifa za uongo.

Alidai kuwa mshtakiwa huyo kupitia mtandao wa WhatsApp kwenye kundi linalotumia jina la Lowassa Foundation and Bunge Live alichapisha taarifa za uongo kuwa; Nimepata rehema ya mipango michafu sana iliyokuwa inapangwa na bado inapangwa dhidi ya uhai wa (Mb), Godbless Lema…’

Hata hivyo, mshtakiwa huyo alikana kuhusika na kosa hilo.

Upande wa mashtaka umedai upelelezi wa kesi hiyo bado haujakamilika na hana pingamizi na dhamana.

Baada ya kueleza hayo, Hakimu Mwambapa alimpa masharti ya dhamana mshtakiwa huyo ya kuwa na wadhamini wawili watakaosaini bondi ya Sh 2 milioni  kwa kila mmoja pamoja na barua.

Hata hivyo, mshtakiwa huyo aliepuka kwenda lumande baada ya kutimiza masharti hayo ya dhamana.

Siku 118 toka aufunge uwanja wa Taifa Waziri Nape kaja na Maamuzi haya

 

Ni siku 118 zimepita toka waziri wa habari, sanaa, utamaduni na michezo Nape Moses Nnauye kutangaza kuufungia uwanja wa Taifa Dar es Salaam kutumiwa na timu za Simba na Yanga kutokana na uharibifu uliojitokeza wakati wa game yao, leo ametangaza maamuzi mapya.

Waziri Nape leo January 27 2017 kupitia wizara yake imetolewa taarifa za kuruhusu uwanja huo kuendelea kutumika kwa club zote ambapo baada ya kujiridhisha na ukarabati uliofanywa na club hizo za Simba na Yanga hivyo mechi ya Simba na Azam FC kesho itachezwa uwanja wa Taifa.

Kama utakuwa unakumbuka vizuri waziri Nape alitangaza maamuzi ya kuufungia uwanja wa Taifa Jumapili ya October 2 2016 kutokana na uharibifu na uvunjifu wa viti uliofanywa na mashabiki wakati wa mechi hiyo ikiwa ni baada ya Amissi Tambwe kuifungia Yanga goli lililotajwa kuwa la utata.

Al-Shabab Washambulia kambi ya Wanajeshi wa KENYA Nchini Somalia na Kuwaua 57

Kundi la al-Shabab nchini Somalia limesema wapiganaji wake wameshambulia kambi ya wanajeshi wa Kenya wanaohudumu chini ya kikosi cha Umoja wa Afrika (Amisom)nchini Somalia.

Wapiganaji hao wanadai kuwaua wanajeshi wengi kwenye shambulio hilo katika kambi ya Kulbiyow kusini mwa Somalia karibu na mpaka wa nchi hiyo na Kenya.

"Mujahideen (wapiganaji) wawili walivurumisha magari yaliyokuwa na mabomu na kuyalipua kwenye lango la kambi hiyo ya mji wa Kulbiyow kabla ya wapiganaji wengine kuingia. Baada ya makabiliano makali, tumefanikiwa kuiteka kambi," mmoja wa wasemaji wa al-Shabab Sheikh Abdiasis Abu Musab ameambia shirika la habari la Reuters.

Msemaji huyo amedai kundi hilo limewaua wanajeshi zaidi ya 57 na kutwaa magari na silaha za wanajeshi hao, taarifa ambazo msemaji wa majeshi ya Kenya amekanusha.

Kanali Paul Njuguna ameambia Reuters: "Ni uongo. Operesheni ya kijeshi inaendelea. Tunaendelea kupokea taarifa."

Al-Shabab wamekuwa wakipigana dhidi ya serikali  inayoungwa mkono na mataifa ya magharibi na jamii ya kimataifa.

Wanajeshi wa Kenya pamoja na wanajeshi kutoka Djibouti, Uganda na Ethiopia, chini ya Amisom, wamekuwa wakisaidia serikali hiyo yenye makao yake Mogadishu.

Januari mwaka uliopita, wapiganaji wa al-Shabab walishambulia kambi ya majeshi ya Kenya el-Adde na kuua wanajeshi wengi.

Al-Shabab walisema waliua zaidi ya wanajeshi 100. Jeshi la Kenya halijatangaza idadi kamili ya wanajeshi waliouawa hadi wa leo.
Chanzo: BBC

PICHA: Rais Barrow alivyowasili Gambia

Maelfu ya wananchi wa Gambia wamefurika katika barabara za mji mkuu wa nchi hiyo, Banjul kumlaki Rais wao, Adama Barrow wakati akiwasili nchini mwake kuiongoza nchi hiyo baada ya kuondoka madarakani kwa rais wa mda mrefu Yahya Jammeh.

Barrow aliapishwa wiki iliyopita nchini Senegal wakati viongozi walipokuwa wakimshawishi Jammeh kuondoka madarakani baada ya kushindwa katika uchaguzi uliompa ushindi Barrow.

Barrow ameamua kurudi nchini humo mapema baada ya Wanadiplomasia kumtaka arudi mara moja nyumbani kuepuka pengo la uongozi.

Kutokana na taarifa zinazoeleza kuwa wafuasi waovu wa Jammeh wamo miongoni mwa vikosi vya usalama nchini, maelfu kadhaa ya wanajeshi wa mataifa ya Afrika magharibi wanasalia Gambia ili kuimarisha ulinzi kwa Rais Barrow.

Barrow atakaa katika makazi yake wakati ukaguzi ukifanywa katika Ikulu kutambua hatari yoyote kufuatia kuondoka kwa Yahya Jammeh kwenda uhamishoni Guinea ya Ikweta.

 

Maelfu ya wananchi wa Gambia waliojitokeza kumlaki Rais wao

 

Watu 14 akiwemo raia wa China wahofiwa kufa Mgodini

Watu 14 akiwemo Mchina, wanahofiwa kufa baada ya kufukiwa katika mgodi wa dhahabu wa Kampuni ya RZ Union Mining Ltd uliopo Kata ya Nyarugusu mkoani Geita.

Mkuu wa Mkoa wa Geita, Ezekiel Kyunga jana alisema watu hao wamefukiwa chini ya mgodi baada ya mlango wa kuingilia kwenye shimo la mgodi kumeguka udongo na kujiziba.

“Usiku wa kuamkia leo (jana) saa tisa kwenye mgodi huo unaoendeshwa na Wachina, mlango wa kuingilia mgodini mmoja ulimeguka na kujifunga watu 14 wakiwa ndani,” alisema Kyunga.

Kyunga alisema kwa mujibu wa kitabu cha orodha ya watu wanaojiandikisha kuingia mgodini, kuna majina ya Watanzania 12 na Mchina.

Aidha, alisema mbali na watu hao 13, pia kuna Mtanzania mmoja ambaye aliingia bila kujiandikisha na hiyo ni kwa mujibu wa watu walioshuhudia tukio hilo hivyo kufanya idadi ya watu waliofukiwa kuwa 14. 

Kyunga alisema tangu jana asubuhi jitihada mbalimbali za kuondoa udongo kuwaokoa watu hao zinaendelea wakitumia mitambo na wataalamu.

“Kwa kusaidiana na Kampuni ya Geita Gold Mine (GGM) na wataalamu wengine, jitihada zinaendelea ili kuhakikisha tunawaokoa watu hao,” alisema Kyunga. 

Alisema wakati huo huo wamefanikiwa kutoboa eneo jingine na kupitisha mabomba ya hewa ya oksijeni ili kuwafanya watu hao wasikose hewa.

Tetesi Kuhusu Adebayor kutua Yanga,..isome hii ya BBC SPORTS kwa makini

Jana January 25 2017 moja kati ya taarifa zilizokuwa zimeenea katika mitandao ya kijamii ni kuhusiana na mshambuliaji wa kimataifa wa Togo aliyewahi kucheza Arsenal, Man City, Tottenham Hotspurs na Crystal Palace  Emmanuel Adebayor kuripotiwa kujiunga na  timu ya Yanga.

Habari kutoka soka25east.com na mitandao mingine mitatu ya Kenya zilisema kuwa staa huyo atajiunga na Mabingwa watetezi wa Ligi Kuu Tanzania bara Yanga ambayo pia inachezewa na Vincent Bossou anayechezea timu moja ya taifa na Adebayor na walikuwa pamoja AFCON juzi.

Saa 24 baada ya taarifa hizo kupita mitandao ya Skysports na BBC SPORTS imeripoti na kumnukuu Adebayor kuhusu mpango wake wa sasa katika soka akiwa mchezaji huru, anasema bado ana mpango wa kurejea ligi kuu England na hajaizungumzia Yanga hata tone, hiyo imedhihirisha kuwa tetesi za kujiunga na Yanga sio za kweli.

“Nimepokea ofa chache kutoka timu za ligi kuu England na wote mnajua napenda kucheza England, licha ya kuwa mimi sio moja kati ya wachezaji wanaopendwa England nimecheza England kwa miaka kumi, ieleweke pia sikuja AFCON kucheza ili nipate timu nilikuja kuwakilisha taifa langu“

Faini yamgeukia Trafiki Dar es Salaam, aagizwa na Boss wake kulipa yeye badala ya mwenye Benz

Jana January 25 2017 kuna comment ambayo ilikua inasambaa sana kwenye Whatsapp ikionyesha post ya Facebook ya Mtanzania ambaye amepigwa faini na Askari wa usalama barabarani (Trafiki) kwa kosa la Ubovu wa gari lake.

Post yenyewe ya Mlalamikaji akiwa kaambatanisha picha za sehemu ya gari yenye kutu ilisema ‘Jamani nimepigwa cheti at gari ni mbovu, hii kweli ni sahihi?

Pamoja na hiyo post kuna Comment ya Facebook ikionyesha account yenye jina la Kamanda wa Kikosi cha Usalama Barabarani Mohammed Mpinga ikiwa imetoa comment kwa kusema ‘nimefuatilia leo asubuhi TAZARA na kubaini kwamba hakustahili kosa la ubovu wa rangi au kutu inayoonekana, nimeelekeza askari huyo alipe mwenyewe hiyo faini na kupewa onyo kali‘

Wengi wanataka kujua kama ni kweli hiyo Account ya Facebook ni ya Kamanda Mpinga? na ni kweli alijibu hivyo? ni baadhi ya maswali watu waliyonayo ambapo  Kamanda Mpinga amesema ‘Hiyo ilikua ni kweli, account na Facebook comment ni mimi nimetoa‘

Trump Kaanza Kuwatimua Watu Marekani.......Tayari Wasomali 90 na Wakenya 2 wameondolewa Marekani

Raia takriban 90 wa Somalia na wawili wa Kenya wametimuliwa kutoka Marekani saa chache baada ya taarifa kuibuka kwamba Rais Donald Trump atakabiliana na watu wanaoishi nchini humo kinyume cha sheria.

Wote wamewasili katika uwanja wa kimataifa wa Jomo Kenyatta jijini Nairobi.

Msemaji wa serikali ya Kenya Eric Kiraithe ameambia BBC kwamba raia hao wa Somalia watasafirishwa moja kwa moja hadi Mogadishu.

Bw Trump alisema Jumatano itakuwa siku muhimu kwa usalama wa Marekani.

Anatarajiwa kuweka masharti makali kwa raia wa mataifa saba ya Mashariki ya Kati na Afrika yenye idadi kubwa ya Waislamu wanaotafuta viza za kwenda Marekani.

Nchi hizo ni Syria, Iraq, Iran, Libya, Somalia, Sudan na Yemen